2024 жылғы 22–23 ақпанда «Өскемен ЖЭО» ЖШС қызметкерлері Тәлімгерлік мектебінде білім алуға қатысты.
Іс-шараны «Атамекен» Ұлттық кәсіпкерлер палатасы мен Шығыс Қазақстан облысының өңірлік кәсіпкерлер палатасы ұйымдастырды.
Оқытудың мақсаты кәсіпорындардың кадр саясатының маңызды элементі болып табылатын сертификатталған тәлімгерлер тізілімін қалыптастыру болды. Сертификатталған тәлімгерлердің болуы жаңа қызметкерлерді бейімдеу және оқыту, кадрлардың тұрақтамауын қысқарту және қызметкерлердің әлеуетін дамыту сияқты ұйымдастырушылық міндеттерді шешуге ықпал етеді. «Атамекен» ҰКП Тәлімгерлік мектебі 2018 жылдан бастап жұмыс істейді, осы уақыт ішінде екі мыңнан астам тәлімгер осы мектептер арқылы аттестаттаудан өтіп, сертификаттар алып, «Атамекен» ҚР Ұлттық кәсіпкерлер палатасының сертификатталған тәлімгерлер тізіліміне енді.
Тренингті Германияның Трир қаласында халықаралық дайындықтан өткен тәжірибелі жаттықтырушылар Ләззат Шағаева мен Инна Региль жүргізді.
2013 жылы Өскемен ЖЭО студенттерді дуальді оқыту үшін өндірістік алаңға айналды. Тәжірибелі қызметкерлер мен цех бастықтары тәлімгерлікпен белсенді айналысып, тәжірибеден өтушілер мен жас энергетиктерді жеке басының және кәсіби дамуына ынталандыра отырып, өз үлгілерімен шабыттандырады. Бүгінде Өскемен ЖЭО-да дуальді оқыту бағдарламасы бойынша 10 студент тәжірибеден өтуде, онда тәлімгерлер өз тәжірибелерімен және білімдерімен бөлісе отырып, олардың білімдерінің шыңдалуында маңызды рөл атқарады.
Тәлімгерлік мектебінде оқығаннан кейін қатысушылар тәлімгер сертификатын алды, сондай-ақ олардың деректері «Атамекен» Қазақстан Республикасы Ұлттық кәсіпкерлер палатасы жанындағы Тәлімгерлер тізіліміне енгізілді.
