Болашақ бірінші сынып оқушыларына арналған мереке

Жаңа оқу жылы қарсаңында «Қазақстан коммуналдық жүйелері» (ҚКЖ) компаниялар тобының құрамына кіретін Өскемен ЖЭО-да қызметкерлердің бірінші сыныпқа баратын балаларына арналған мереке өтті. Биыл мектеп табалдырығын алғаш рет 47 бала аттайды.

Балалар үшін аниматорлармен қызықты бағдарлама ұйымдастырылып, мерекелік дастархан жайылды. Әрбір болашақ бірінші сынып оқушысына мектеп құралдарының жиынтығы табысталды.

Өз құттықтауында Бас директор Азамат Беимбетов балаларға оқуда табыс пен жаңа жетістіктер тілеп, ата-аналарға да шыдамдылық пен төзім тіледі, өйткені олар балаларымен бірге мектеп өміріне қайта қадам басады.

Болашақ бірінші сынып оқушыларына сәттілік! Білім жолдарың жарқын болсын!