Өскемен ЖЭО-да балаларға арналған мерекелік күн өтті

30 мамыр күні Өскемен жылу электр орталығында кәсіпорын қызметкерлерінің балаларына арналған ерекше шара ұйымдастырылды.

Балалар үшін бұл күн жаңа әсерлерге, қызықты кездесулер мен қуанышты сәттерге толы болды. Іс-шара қауіпсіздік техникасы бойынша шағын нұсқаулықтан басталды. Кейін олар Өскемен ЖЭО музейіне барып, жылу электр орталығының тарихымен, жұмыс істеу принциптерімен танысты.

Мерекенің басты бөлігі «Біз – энергетиктердің баласымыз!» атты сурет және эссе байқауын қорытындылауға арналды. Биыл қатысушы балалардың саны бұрын-соңды болмаған деңгейге жетті. Балалар ата-аналарына деген сүйіспеншілігін сурет пен шығармашылық жұмыстары арқылы жеткізді. Байқау нәтижесінде 70 жұмыс келесі номинациялар бойынша марапатталды: « Кәсібилік үшін», « Шығармашылық үшін», «Жарқын бояулар үшін», « Үлкен талпыныс үшін».

Шара соңында балалар аниматорлармен бірге көңіл көтеріп, тәттілерден дәм татып, қуанышқа кенелді. Бұл күн олар үшін ұмытылмас естелікке айналды деп сенеміз!