«ҚКЖ тұлғалары» айдарының бүгінгі кейіпкері - Мұқашев Серік, ол өз жолын 1988 жылы, Өскемен энергетикалық техникумын бітірген бойда бастаған. Жас маман ретінде Өскемен ЖЭО-ға келіп, содан бері мамандығына және кәсіпорнына адал болып келеді.
Бүгінде ол - VI разрядты релелік қорғаныс және автоматиканы жөндеу және қызмет көрсету жөніндегі электр монтері. Маман жаңа №15 қазандық агрегатын (ҚА-15), №12 турбоагрегатты (ТА-12) салу жобаларын іске асыруға, сондай-ақ электр станциясының релелік қорғанысы мен автоматикасын жаңғыртуға қатысты. №11-15 қазандық агрегаттарының, №9-11 турбоагрегаттардың релелік қорғанысын қайта құруға және ТГ-11 қоздыру жүйесін реконструкциялауға белсенді атсалысуда. Оның жұмысы - бүкіл жабдықтың сенімділігі мен қауіпсіздігінің кепілі.
Серік Кәкенұлы - тек жоғары деңгейлі маман ғана емес, сонымен қатар тәлімгер. Ол жас қызметкерлермен тәжірибесін жомарттықпен бөлісіп, энергетиктердің жаңа буынын тәрбиелеп, оларға ең бастысы - нәтиже үшін жауапкершілік пен мамандыққа деген құрметті үйретіп келеді.
Ұжымда оны кәсібилігі, тәртібі және істі әрқашан соңына дейін жеткізуге дайындығы үшін бағалайды. Мұндай адамдар - кәсіпорынның тұрақты жұмысының негізі және саланың нағыз мақтанышы.
