Өскемен ЖЭО республикалық бос жұмыс орындары жәрмеңкесіне қатысты

Қазақстанның жетекші өнеркәсіптік кәсіпорындарының өкілдері болашақ мамандарға жұмыс ерекшеліктері мен өз саласы туралы айтып беру үшін  жиналды. Д. Серікбаев атындағы ШҚТУ-дың 300-ден астам студенті жәрмеңкеге қатысты.

Өскемен ЖЭО атынан Корпоративтік оқыту орталығының  басшысы Наталья Слабодчикова мен кадр маманы Жанна Мусинова қатысты. Олар студенттерге станцияның қызметі мен кәсіби даму мүмкіндіктері туралы айтып берді.

Мұндай кездесулер жастарға энергетик мамандығымен жақынырақ танысуға және болашақ мансабына алғашқы қадамдар жасауға көмектеседі.