Шығыс Қазақстан облысында «Мерейлі отбасы» ұлттық байқауының облыстық кезеңі қорытындыланды. Биыл байқауға облыстың түкпір-түкпірінен 163 отбасы қатысып, үздіктер облыстық кезеңге жолдама алды. Өскемен қаласының атынан қатысқан Қайраттар отбасы байқаудың жүлдегерлері қатарынан көрініп, арнайы диплом және ақшалай сертификатпен марапатталды.
Отбасы отағасы - ҚКЖ компанияларының тобына кіретін “Өскемен ЖЭО” ЖШС қауіпсіздік қызметінің бас маманы. Ол жұбайымен бірге бес бала тәрбиелеп отыр. Қайраттар отбасы кәсіби еңбекті ұлттық тілге, мәдениетке, отбасылық құндылықтар мен дәстүрлерге деген құрметпен ұштастырып келеді.
Әріптесімізді және оның отбасын лайықты жетістігімен шын жүректен құттықтаймыз! Отбасыларыңызға амандық, береке-бірлік, балалардың қуанышы мен жаңа жетістіктер тілейміз. Шаңырақтарыңыз әрдайым шаттық пен бақытқа толы болсын!
