Утюпин Федор Андреевич - қазандық және шаң дайындау цехтарының жабдықтарын жөндеу және қызмет көрсету жөніндегі слесарі. Орталықтандырылған жөндеу цехында жұмыс істеген жылдары ол сенімді және тәжірибелі маман ретінде танылды.
Фёдор Андреевич 1981 жылы Зайсан ауданына қарасты Тұғыл ауылында дүниеге келген. 1991 жылы отбасымен бірге Өскемен қаласына көшіп келді. Осы жерде мектепті аяқтап, кәсіби-техникалық училищеде дәнекерлеуші, монтаждаушы және тас қалаушы мамандықтарын меңгерді. 2008 жылы Өскемен ЖЭО-ға жұмысқа орналасқан күннен бастап, ол өзіне тапсырылған істі мұқият орындайтын, еңбекқор әрі жауапты маман ретінде көзге түсті. Техникалық сауаттылығы мен жинақтаған тәжірибесі оны жас мамандар үшін нағыз тәлімгер етті.
Ол еңбекке құрметпен қарайды және өз бақылауларымен бөлісуге дайын:
«Біздің цех негізінен қазандық цехындағы қосалқы жабдықтарға жөндеу жүргізеді. Кейде күнделікті мәселені шешу үшін стандарттан тыс ойлау қажет болады. Жас мамандарға шыдамдылық тілеймін. Ең бастысы – жұмыстан қорықпау және үнемі үйреніп отыру. Тәжірибемен бірге сенімділік те келеді», – дейді ол.
Демалыс күндерін Федор Андреевич отбасымен өткізеді - ұлы мен қызын тәрбиелейді, табиғат аясында демалуды ұнатады. Ұлы әкесінің ізімен жүруді жоспарлап, техникалық колледжге түсуге дайындалуда. Федор Утюпиннің кәсібилігі мен адамгершілік қасиеттері әріптестері үшін үлгі және мақтануға тұрарлық еңбек жолының лайықты тарихы болып табылады.
