Өскемен ЖЭО өз қызметкерлеріне ғана емес, қала тұрғындарына да қолдау көрсете отырып, әлеуметтік жауапкершілік қағидатын ұстануды жалғастыруда
Жыл сайын кәсіпорын еңбек ардагерлері мен зейнеткерлерге көмек көрсету үшін қайырымдылық акцияларын өткізеді.
Биыл жылыту маусымы қарсаңында ЖЭО орталық жылытуға қосылмаған қарттар үйлері мен әлеуметтік маңызы бар мекемелер үшін 46 тонна көмірді тегін берді.
Алушылар арасында Тарханка ауылындағы Ардагерлер үйі, «Луч Надежды» әлеуметтік бейімдеу орталығы және «Добрый Феникс» қарттар үйі бар. Бұл мекемелерде ардагерлер, тыл еңбеккерлері, ерекше күтімді қажет ететін қарттар мен мүгедектер тұрады. ЖЭО-ның жастар бастамашыл тобы әр мекеменің қажеттіліктері бойынша көмірді бөлуге белсенді көмектесті.
Суық ауа райы басталғанға дейін 14 тонна көмір жеткізілген Тарханка ауылындағы Ардагерлер үйі біздің энергетиктерді ерекше жылулықпен қарсы алды. ЖЭО қарттар үйінде тұратындардың барлығына зор денсаулық пен ұзақ ғұмыр тілей отырып, ізгі тілектерін жеткізеді.
