ШҚТУ студенттері ЖЭО-да: қауіпсіздік және экология саласындағы практикалық тәжірибе

Қазақстан Республикасының Президенті Қасым-Жомарт Тоқаев жариялаған Жұмысшы мамандықтар жылы аясында 2025 жылғы 10 ақпанда Д. Серікбаев атындағы ШҚТУ-дың «Тіршілік қауіпсіздігі және қоршаған ортаны қорғау» (6B11201) мамандығының 1-курс студенттері үшін Өскемен жылу электр орталығына экскурсия ұйымдастырылды.

Экскурсияның мақсаты:

• ЖЭО жұмысының негізгі қағидаларымен танысу
• Өнеркәсіптік қауіпсіздік нормаларын үйрену
• Қоршаған ортаны қорғау шараларымен танысу

Экскурсия барысында студенттер кіріспе нұсқаулығынан өтіп, корпоративтік оқу орталығында еңбекті қорғау және экологияның негізгі бағыттары туралы мағлұмат алды. Бұл тәжірибе олардың өнеркәсіптік қауіпсіздік пен экологиялық қорғау шараларының қалай жүзеге асырылатынын өз көздерімен көруіне мүмкіндік берді.

Осындай іс-шаралар студенттердің теориялық білімін тереңдетіп қана қоймай, өндірістік нысандардағы нақты жұмыс жағдайларымен танысуға жол ашады. Сондай-ақ, болашақ мамандықтарына деген жауапкершілік сезімін қалыптастырады.