2024 жылдың 11 қыркүйегінде «Өскемен ЖЭО» ЖШС-не қалалық маслихат депутаты Анжела Горностаева мен халық штабының мүшесі Жадыра Закарина жұмыс сапарымен келді
Сапар аясында олар Қазақстан Республикасы Президентінің Жолдауына байланысты ақпараттық-түсіндіру жұмыстарын жүргізді.
Талқылаудың негізгі тақырыбы атом электр станциясын салу туралы алдағы референдум болды. Билік өкілдері бұл мәселенің елдің энергетикалық қауіпсіздігі үшін маңыздылығына және оның өңірдің дамуына ықпалына назар аударды. Кездесу барысында АЭС қауіпсіздігіне, экологиялық салдарға және атом энергетикасын енгізудің экономикалық тиімділігіне қатысты өзекті мәселелер көтерілді.
Анжела Горностаева Жолдауда Қазақстанның энергетикалық инфрақұрылымын жаңғырту қажеттігіне ерекше назар аударылғанын атап өтті. Бұл тұрғыда АЭС құрылысы энергиялық тәуелсіздікке қол жеткізу және болашақта тұрақты энергиямен жабдықтауды қамтамасыз ету үшін перспективалы қадам ретінде қарастырылады.
Өз тарапынан Жадыра Закарина қабылданатын шешім әрбір қазақстандыққа тікелей қатысты болғандықтан әр азаматтың референдумға қатысуы өте маңызды екенін атап өтті. Ол ЖЭО энергетиктерін талқылауға белсенді қатысуға және өз ұстанымдарын білдіруге шақырды.
ЖЭО қызметкерлері Өскемен үшін атом энергетикасының экологиялық қауіпсіздігі мен оның экономикалық тиімділігіне байланысты бірқатар сұрақтар қойды. Халықтық штаб өкілдері барлық сұрақтарға толық жауап беріп, жобаның барлық халықаралық стандарттар мен технологияларды ескере отырып іске асырылатынына сендірді.
Сапар Қазақстанның энергетика саласын жаңғырту тұрғысынан өңірді дамытудың ортақ перспективаларын, сондай-ақ елдің болашағындағы атом энергетикасының рөлін талқылаумен аяқталды.
