Өскемен ЖЭО мектептегі мұз айдынын қолдады

Өскемен ЖЭО жаңа жылды игі істермен бастап, №7 мектепке қарасты хоккей алаңына заманауи әрі қуатты жарық шамдарын табыстады. Енді мұз айдынында жаттығулар мен ойындар тәуліктің қараңғы уақытында да қауіпсіз әрі жайлы жағдайда жалғаса алады.

Мұз айдынын қолдау жүйелі түрде жүзеге асырылып келеді: бұған дейін кәсіпорынның қолдауымен алаңға жаңа қоршау орнатылған болатын. ЖЭО үлесі тек қаржылай көмектен ғана тұрмайтыны да маңызды. Монтаждау жұмыстары станция қызметкерлерінің өз күшімен, кәсіпорын техникасын пайдалана отырып атқарылды.

Бұл мұз айдынының артында станция ұжымына жақсы таныс жан бар. Мектептегі мұз айдынында жаттығатын «Ульбинка» хоккей командасының жаттықтырушысы - Өскемен ЖЭО орталықтандырылған жөндеу цехының шебері Николай Сидоров. Ол мұзды өзі құйып, алаңның жағдайын қадағалап, балаларды жаттығуларға жинайды.

Николай көптеген жылдар бойы Өскемен ЖЭО қызметкерлері үшін де сырғанау кештерін ұйымдастырып, қарапайым қысқы кештерді спортқа, қарым-қатынасқа және командалық рухқа толы ортаға айналдырып келеді. Мұз айдынындағы жаңа жарық - бұл қауіпсіздік, жайлылық және ойын уақытын ұзарта түсу мүмкіндігі және істі лауазым үшін емес, ішкі жауапкершілік пен шынайы ниетпен атқарудың айқын көрінісі.

Энергиямызды балалар мен спортқа жұмсай отырып, біз өзіміз өмір сүріп, еңбек етіп жатқан қаланы және қоғамды нығайта түсеміз.