2024 жылғы 13 мамырда Өскемен ЖЭО-да қазандық цехының багерлік сорғы мотористі Ольга Николаевна Немченко еңбек сіңірген демалысына шығарып салынды.
Ольга Николаевна станцияда 30 жыл жұмыс істеген адам. Осы уақыт ішінде ол көмекші жабдықтардың машинист-қараушысынан бастап багерлік сорғы моторисіне дейін бірнеше мамандықты игеріп қана қоймай, сонымен қатар станцияның дамуына үлкен үлес қосқан маманға айналды. Жабдықтарды жаңғыртуға және озық технологияларды енгізуге белсенді қатыса отырып, Ольга Николаевна өзін жауапкершілікті мойнына алуға дайын және күрделі шешімдер қабылдай алатын қызметкер ретінде көрсетті.
Ольга Николаевна қызметінің негізгі аспектілерінің бірі жас энергетиктерді оқыту болды. Станцияда жұмыс істеген жылдары ол өзінің бай тәжірибесі мен білімімен 30-дан астам қызметкермен бөлісіп, білікті мамандардың бірнеше буынын тәрбиеледі. Оның еңбекқорлығы, жауапкершілігі, адалдығы және әріптестеріне көмектесуге дайын болуы оны өз ісінің нағыз маманы етеді.
Ольга Николаевна жай жұмысшы емес, ол көптеген адамдар үшін тәлімгер және үлгі тұтар тұлға. Оның еңбек жолы станция ұжымының жадында өз ісіне адалдықтың, жоғары кәсіби қасиеттер мен адамгершіліктің жарқын мысалы ретінде қалады. Өскемен ЖЭО басшылығы мен ұжымы Ольга Николаевнаға кәсіпорын қызметіне қосқан елеулі үлесі үшін ризашылық сөздерін жеткізді.
«Өскемен ЖЭО» ЖШС бас директоры Данияр Нугуманов Ольга Николаевнаға өңірдің энергетикасын дамытуға қосқан үлесі үшін шын жүректен алғысын білдірді. Ондаған жылдар бойы еңбек еткеннен кейін лайықты демалыс Ольга Николаевнаға шексіз қуаныш пен көптеген жаңа әрі жарқын әсерлер сыйлайды деп үміттенеміз!
