Өскемен ЖЭО негізгі жабдықтарын жаңартуда

Станцияны электр энергиясымен жабдықтау сенімділігін арттыру мақсатында Өскемен ЖЭО-ға жаңа күштік трансформатор жеткізілді.

Жабдық CHINT компаниясында өндірілген. Бұл — қуаты 63 МВА болатын, 115 кВ кернеулі SFZ 63000/115 кВ маркалы күштік трансформатор. Жаңа агрегатты 110 кВ №1 ашық тарату құрылғысында іске қосу жоспарлануда.

Қазіргі таңда кәсіпорында барлығы 7 күштік трансформатор жұмыс істейді. 2026 жылы олардың екеуін ауыстыру, сондай-ақ тағы бір трансформаторды жеткізу көзделіп отыр. Жаңа трансформатор 1977 жылы шығарылған, қуаты 63 МВА болатын және нормативтік пайдалану мерзімін толық өтеген Т-3 күштік трансформаторының орнына орнатылады.

Жабдықты ауыстыру станцияның электротехникалық кешенін жоспарлы түрде жаңғырту бағдарламасының бір бөлігі болып табылады. Биыл станциядағы электр жабдықтарын жаңғырту жұмыстары жалғасады, ал көктем мезгілінде 110 кВ №2 ашық тарату құрылғысында жұмыстар басталады.