Өскемен ЖЭО-да электр жабдықтарын жаңғырту жұмыстары жалғасуда

Станцияда жыл басында жеткізілген жаңа трансформатор орнатылды. Ол өз ресурсын толығымен тауысқан, 1977 жылы шығарылған қуаттылығы 63 МВА болатын Т-3 күштік трансформаторының орнын басты.

Қуаттылығы 63 МВА болатын жабдықты «CHINT» компаниясы шығарған. Станцияға Қытайдан компанияның шеф-инженері арнайы келді. Жаңа жабдық номер 1 ,110 кВ ашық тарату құрылғысында орнатылған және мамыр айының соңына дейін трансформатор іске қосылады.

Жабдықтарды ауыстыру станцияның электр техникалық кешенін жоспарлы жаңғыртудың бір бөлігі болып табылады. Ағымдағы жылы станцияның электр жабдықтарын жаңғырту жалғасады, жақын арада номер 2 ашық тарату құрылғысында жұмыстар басталады.