«Өскемен ЖЭО» қызметкерлері жи-мен жұмыс жасаудың қыр-сырын меңгерді

Өскемендегі ЖЭО қызметкерлері «Жасанды интеллектіні бизнес-процестерде қолдану» тақырыбы бойынша арнайы оқытуға қатысты. Аталмыш шараны Руслан Егембаев жүргізді @ruslan_yegembayev .

Оған қатысушылар ChatGPT сияқты заманауи жасанды интеллект (ЖИ) құралдарымен танысып, есеп-қисапты жеңілдету, құжат айналымын автоматтандыру және тиімділікті арттыру үшін қалай пайдалануға болатынын үйренді.

Оқыту теория мен практиканы ұштастыра отырып өтті. Шара барысында аталмыш мекеменің қызметкерлері нақты мысалдар арқылы ЖИ-ді қолдануды тәжірибе жүзінде байқап көрді. «Өскемен ЖЭО» жоспарлы экономика бөлімінің басшысы Маргарита Қаиырбаева оқыту барысында алған әсерімен бөлісті:

«Бұл оқыту өте пайдалы болды. Жасанды интеллект арқылы көптеген процестерді жеңілдетуге болатынын көрдік. Бұл - бүкіл ұжым үшін даму мен тиімділікке қол жеткізудің жаңа мүмкіндігі». Іс-шара компанияның цифрлық трансформация бағыты аясында өтіп, күнделікті жұмысқа жаңа технологияларды енгізуге бағытталған маңызды қадам болды.