Өскемен жылу электр орталығында Наурыз бен Ораза айт кең көлемде атап өтілді!

Станция аумағы нағыз мерекелік алаңға айналды: өндірісті дайындау цехы алғаш рет жасаған киіз үй тігілді, әуезді әндер мен музыка шырқалды, қызметкерлерге палау мен басты мерекелік тағам — Наурыз көже ұсынылды.

Ұлттық ойындар мен спорттық жарыстар ерекше қызығушылық тудырды. Қатысушылар күш-қайратын, ептілігін және нағыз командалық рухын көрсетті. «Қой көтеру», «Гір көтеру», «Қол күрес», «Арқан тарту» сияқты сайыстар өтті, цехтар ұлттық тағамдар дайындап, садақ атып, бүркітпен суретке түсті.

Көрермендер қатысушыларды қызу қолдап, нағыз халықтық мереке атмосферасын қалыптастырды.

Өскемен ЖЭО-дағы Наурыз тек мереке ғана емес, ұжымның бірлігін, ұлттық құндылықтарға деген құрметті және ұрпақтар сабақтастығын айқындайтын маңызды шара болды. Бұл мереке барлық қатысушыларға жарқын әсер, көтеріңкі көңіл-күй және бірлік сезімін сыйлады - дәл осы қасиеттерімен Наурыз ерекшеленеді.