Өскемен ЖЭО - «Шығыс Қазақстан облысының Үздік салық төлеушісі»

2025 жылғы 20 қарашада Өскемен ЖЭО «ШҚО Үздік салық төлеушісі» номинациясы бойынша марапатталды.

ШҚО бойынша Мемлекеттік кірістер департаментінің басшысы Саят Бимағамбетов «Өскемен ЖЭО» ЖШС бас директоры Данияр Нұғымановқа дипломды салтанатты түрде табыстады. Бұл марапат – өңірдің экономикалық тұрақтылығы мен дамуын қамтамасыз ететін күнделікті еңбектің мойындалуы.

Бұл жеңіс - станция үшін жай ғана құрмет емес, көп жылғы тынымсыз еңбектің лайықты бағасы. Ол Өскемен ЖЭО ұжымының жұмысы мемлекет деңгейінде мойындалғанын айқын көрсетеді. Салықтарды мерзімінде әрі адал төлеу – кәсіпорынның жауапкершілігі мен өз ісіне деген тиянақты көзқарасының дәлелі.

Бұл жеңіс Өскемен ЖЭО үшін үшінші рет қайталанып отырған жетістік. Ол кәсіпорынның сенімді, адал әрі тұрақты жұмысының символына айналды. Жұмысшылар үшін бұл – олардың кәсіби шеберлігінің мойындалуы, ал тұрғындар үшін – үйлерді жылумен қамтамасыз етіп отырған ұжымға деген сенімнің дәлелі.

Станцияны құттықтаймыз, әрі қарай да табыс пен өркендеу тілейміз!