2024 жылғы 17 қыркүйекте «Өскемен ЖЭО» ЖШС-де станцияның алдағы жылыту маусымына дайындығы аясында баспасөз туры өтті.
БАҚ және қоғам өкілдері, депутаттар кәсіпорындағы жөндеу жұмыстарының барысымен танысты.
Баспасөз турына қатысушылар станциядағы жөндеу науқаны туралы ақпаратпен танысып, кәсіпорынның өндірістік қызметіне қатысты тікелей басшылыққа сұрақтар қойды. ЖЭО басшылығы цехтарда экскурсия жүргізіп, жабдықтарды жаңғыртудың негізгі кезеңдеріне шолу жасады.
Қазіргі уақытта жоспарланған жұмыстардың жалпы көлемінің 94,5% -ы орындалды. № 7, 8, 9, 11, 12 және 14 қазандық агрегаттары мен турбоагрегаттарда жөндеу жұмыстары аяқталды.
Станцияның қуатын арттыратын және өңірді энергиямен жабдықтаудың тұрақтылығын қамтамасыз ететін жаңа турбоагрегатты орнатуға дайындық, сондай-ақ жаңа күл үйіндісін салу сияқты болашақ жобаларға ерекше назар аударылды.
Барлық жұмыстар сапалы және бекітілген кестеге сәйкес орындалуда. Бұл фактор жылыту кезеңінде облыс орталығының тұтынушыларын жылумен сенімді қамтамасыз етуге тікелей әсер етеді. Өскемен ЖЭО жылыту маусымына жауапкершілікпен дайындалды және қала тұрғындарына сапалы жылуға кепілдік береді.
