Білімге салынған инвестиция үзілісті білмейді

ККС компаниялар тобының құрамына кіретін Өскемен ЖЭО Корпоративтік оқыту орталығы жанындағы ШҚТУ филиалының ынтымақтастығы аясында ШҚТУ деканы Айбек Ақаев кәсіпорынның бас директоры және атқарушы директорымен кездесті.

Кездесуде тараптар өзара әріптестікті әрі қарай дамыту перспективаларын, мамандарды даярлау және бірлескен білім беру жобаларын жүзеге асыру мәселелерін талқылады. Айбек Ақаев «Жылу энергетикасы» және «Электр энергетикасы» бағыттары бойынша жаңа магистратура бағдарламасын таныстырып, бейіндік оқытудың артықшылықтарын айтты.

Мұндай кездесулер университет пен өндіріс арасындағы ынтымақтастықты нығайтып, қызметкерлердің кәсіби өсуіне жаңа мүмкіндіктер ашады, сондай-ақ энергетика саласының заманауи талаптарына сай келетін білікті кадрларды даярлауға ықпал етеді.