«Релелік қорғау және автоматика: жұмысты ұйымдастыру, даму перспективалары және жас мамандарды даярлау» тақырыбында дөңгелек үстел өтті

«Қазақстан коммуналдық жүйелері» (ҚКЖ) компаниялар тобы ұйымдастырған бұл шарада саланың жетекші сарапшылары, еншілес кәсіпорындардың өкілдері мен білім беру мекемелері бір платформада бас қосты.

Кездесу барысында қатысушылар:

• Кәсіпорындардағы релелік қорғау және автоматика (РҚА) жүйелерінің жұмысын талқылады;
• РҚА саласындағы озық тәжірибелер мен сәтті іске асырылған жобалармен бөлісті;
• Жас мамандарды даярлау және оларды өндіріске интеграциялау мәселелерін көтерді.

Жұмысшы мамандықтар жылы аясында кәсіби дағдыларды дамыту және техникалық мамандықтардың оң имиджін қалыптастыруға ерекше көңіл бөлінді!

Бұл дөңгелек үстел энергетика саласы мен білім беру жүйесінің өзара ынтымақтастығын талқылайтын және тәжірибе алмасатын маңызды алаңға айналды!