Өскемен ЖЭО командасы MAMAN FEST - 2025 облыстық фестивалінде жеңіске жетті

18 қараша күні басталған MAMAN FEST - 2025 облыстық фестивалі Өскемен ЖЭО командасының жарқын жеңісімен аяқталды. ЖЭО жастары тағы да өз мықтылығын дәлелдеп, 1-орынды иеленіп, турнирдің үш дүркін чемпионы атанды.

Фестиваль үш бағыт бойынша ұйымдастырылды: футбол, волейбол және интеллектуалды ойын (Квиз). Әрбір кезеңде жинаған ұпайлар жалпы командалық есепке әсер етті. Өскемен ЖЭО қатысушылары жоғары дайындық пен бірлікті көрсетіп, барлық сыннан лайықты өтті.

Биылғы 2025 жылғы жарыстың бас жүлдесі – 1 000 000 теңге. Команданың қажырлы еңбегі мен жастық жігерінің арқасында бұл жүлде Өскемен ЖЭО ұжымына бұйырды. Өскемен ЖЭО жастарының жеңісі кәсіпорынның белсенді, жігерлі және мақсатшыл ұжымға ие екенін тағы бір дәлелдеді.

Алға, Өскемен ЖЭО командасы!