2025 жылғы 28 қаңтарда Өңірлік коммуникациялар қызметінде «2025 жылға арналған тарифтердің өзгеруі: қызмет көрсетуді жаңғыртуға және сапасын жақсартуға инвестициялар» атты брифинг өтті, онда «Өскемен ЖЭО» ЖШС техникалық директоры Нұрлан Ахметжанов пен тариф жөніндегі маман Ирина Киняпина сөз сөйледі.
«Өскемен ЖЭО» ЖШС 1947 жылдан бері қала тұрғындары мен кәсіпорындарын жылу және электр энергиясымен тұрақты қамтамасыз етіп келеді. 2025 жылы кәсіпорын станцияның тозу деңгейін төмендету үшін жылу энергиясын өндіру тарифтеріне түзетулер енгізуге мәжбүр.
Бекітілген тарифтердің өзгеруі Қазақстан Республикасы Президентінің «Тарифті инвестицияға айырбастау» жолдауын іске асыруға байланысты. Осы Жолдауды орындау үшін 2025 жылдың 1 ақпанынан бастап 2026 жылдың 31 қаңтарына дейінгі кезеңде бекітілген Инвестициялық бағдарламаға 3,2 млрд теңге сомасына қосымша іс-шаралар енгізілді. Инвестициялық бағдарламаның жалпы сомасы 7,5 млрд теңгені құрады.
Бағдарламаға жабдықтардың тозу деңгейін төмендетуге және станцияның сенімділігін арттыруға бағытталған қосымша жобалар енгізілген. Олардың ішінде: орташа және жоғары қысымды қазандық агрегаттарындағы қыздыру беттерін ауыстыру; жұмыс қысымы 140 ата басты бу құбырларын ауыстыру; жоғары қысымды қоректендіру құбырларын жаңғырту (5-7 кезек); турбинаның қысымға қарсы құбырларын ауыстыру.
Бағдарламаны іске асыру нәтижесінде кәсіпорын жабдықтарының тозу деңгейі 2025 жылы 2,3%-ға төмендетіледі, бұл станцияның тұрақты және қауіпсіз жұмысын қамтамасыз етеді.
Инвестициялық бағдарламаны орындаудан басқа, тарифтердің өсуі бірқатар экономикалық факторларға негізделген:
Отын құнының өсуі. Станцияның жұмысы үшін пайдаланылатын көмір бағасының өсуі жылу энергиясын өндірудің өзіндік құнының өсуіне әкелді. Жылу энергетикасы саласы мамандарының тапшылығы жағдайында білікті персоналды ұстау мақсатында жылу энергиясын өндіру тарифіндегі орташа жалақының мөлшерін сала бойынша бір жылғы статистикалық деректер деңгейіне дейін ұлғайту. Салық ставкаларының өзгеруі. 4. Технологиялық процеске қатысатын сатып алынатын су құнының өзгеруі.
2025 жылы жылу энергиясын өндіру тарифі 2024 жылмен салыстырғанда 22,1%-ға ұлғаяды. Бұл өсу станцияның тозу деңгейін төмендету мақсатында станцияның негізгі жабдығына инвестиция салу қажеттілігінен туындап отыр.
«Өскемен ЖЭО» ЖШС тұтынушыларға түсіністік үшін алғыс білдіреді. Біз Инвестициялық бағдарламаны іске асыруға бағытталған қаражат энергиямен жабдықтаудың сенімділігін арттырады, жабдықтардың тозуын азайтады және станцияның ұзақ мерзімді перспективада тұрақты жұмысын қамтамасыз етеді деп сенеміз.
