Астанада Өңірлік экологиялық саммит өтті

2026 жылғы 22-24 сәуір аралығында Астана қаласында Бас эколог Марина Стрельцованың қатысуымен Өңірлік экологиялық саммит өтті.

Жиынның басты мақсаты - климаттық ауысу процестерін талқылау, экологиялық тәуекелдерге қарсы экономикалық тұрақтылықты нығайту және табиғи ресурстарды ұтымды басқару тетіктерін әзірлеу болды. Сарапшылар қоршаған ортаға келетін зиянды азайтудың заманауи жолдарын қарастырды.

Саммит аясында «RES 2026 EXPO» халықаралық көрмесі ұйымдастырылып, Орталық Азия елдерінің экономикасына арналған дайын «жасыл» жобалар таныстырылды. Көрме инновациялық технологиялар трансфері мен жаңа инвестициялар тартуға бағытталған тиімді диалог алаңына айналды.