Өскемен ЖЭО-да Дүниежүзілік еңбекті қорғау күні атап өтілді

Бұл күні қызметкерлер тек қауіпсіздік ережелерін еске түсіріп қана қоймай, өздерінің жедел әрекет ету қабілетін және өндірістік жағдайларға барынша жақын ортада дұрыс шешім қабылдау дағдыларын тексерді.

Ашылу салтанатында станцияның бас директоры Данияр Нугуманов ұжымды жылыту маусымының сәтті аяқталуымен құттықтап, қауіпсіздік талаптарын сақтау кәсіпорынның тұрақты әрі сенімді жұмыс істеуінің негізгі шарты екенін атап өтті. Бағдарлама екі кезеңнен тұрды және өндірістік цехтар мен бөлімшелерден құралған 7 команданы біріктірді. Алғашқы кезеңде қатысушылар еңбекті қорғау тақырыбында интеллектуалдық квизден өтті. Екінші кезеңде олар бес арнайы ұйымдастырылған практикалық алаңда өз дағдыларын көрсетті.

Байқау қорытындысы бойынша жүлделі орындар келесідей бөлінді:

• 1 орын - турбиналық цех командасы
• 2 орын - қазандық цех командасы
• 3 орын - отын-көлік цехының командасы

Ұйымдастырушылар қатысушылардың жоғары дайындық деңгейі мен белсенділігін ерекше атап өтті.