Өскемен ЖЭО-да станцияны кеңейту жобасы бойынша көпшілік тыңдаулар өтті

28 қазан күні ҚКЖ компаниялар тобына кіретін Өскемен жылу электр ориалығында жаңа №13 турбоагрегат пен №16 қазандық агрегатын салу жобасы бойынша қоғамдық тыңдаулар өтті. Жоба ҚР Энергетика министрлігімен жасалған инвестициялық келісім аясында жүзеге асырылуда.

Бүгінде қаланың қажеттілігі станцияның мүмкіндіктерінен асып түсіп отыр. 2026 жылдың 1 қаңтарындағы жағдай бойынша тұтынушылардың қосылған жылу жүктемесі сағатына 1114,9 Гкал-ды құрайды, бұл қолда бар жылу қуатынан сағатына 339,1 Гкал-ға артық. Жаңа жабдық станцияның жылу қуатын сағатына 130 Гкал-ға және электр қуатын 100 МВт-қа арттырады.

Құрылысқа дайындық аясында инженерлік және ізденіс жұмыстары аяқталды, жобалық құжаттамаға сараптаманың оң қорытындысы алынды, жабдықтарды жеткізуге және құрылыс-монтаждау жұмыстарын орындауға ЕРС-келісімшарттары жасалды. Қазір құрылыс алаңын дайындау жұмыстары жүргізілуде.

Жоба жылу қуатының тапшылығын азайтуға, жабдықтардың тозуын төмендетуге және қаланы жылумен жабдықтаудың сенімділігін арттыруға септігін тигізеді.