«Өскемен ЖЭО» ЖШС Шығыс Қазақстан облысындағы ең ірі жылу электр орталығы, сондай-ақ жылу және электр энергиясының негізгі өндірушісі болып табылады.
Жалпы станцияда 9 қазандық агрегат және 8 турбоагрегат орнатылған. Станция өңірдің қала құраушы өнеркәсіп кәсіпорындарын жылу энергиясымен, сондай-ақ Өскемен қаласын жылумен жабдықтаудың 80% - дан астамын қамтамасыз етеді. Белгіленген жылу қуаты – 859,9 Гкал/сағ, электр қуаты – 372,5 МВт.
2023 жылы станцияның негізгі және қосалқы жабдықтары бекітілген кестеге сәйкес ағымдағы жылыту маусымында жүктемені көтеруге дайындалды. Негізгі және қосалқы жабдықта күзгі-қысқы кезеңге дайындық шеңберінде күрделі және ағымдағы жөндеулер, реконструкциялау және жаңғырту жүргізілді. Жылу электр орталықтарының жабдықтарын жылыту маусымына дайындау бойынша жөндеу науқаны 6 айға есептеліп, 8,4 миллиард теңгені құрады.
Өскемен ЖЭО бірқатар ауқымды инвестициялық жобаларды іске асырады: қолданыстағы №3 күл үйіндісін толтырғаннан кейін күл-қож қалдықтарын жинау үшін жаңа күл үйіндісін салу; 140 ата (3 кезең) бас бу құбырларын ауыстыру жобасын іске асыру, ол бу құбырының парктік ресурсын 200 мың сағатқа және оның станцияның маневрлігі үшін өткізу қабілетін ұлғайтады; 5-7 кезектердегі жоғары қысымды қуат беруші құбырларды ауыстыру; күрделі қазандық агрегаттар мен турбоагрегаттарды жөндеу. Сондай-ақ, 2023 жылы Өскемен ЖЭО-да жылу энергиясын өндіру жөніндегі инвестициялық бағдарламаны орындау шеңберінде станцияның негізгі жабдықтарының физикалық тозуын азайту үшін жылу агрегатының жұмысын жақсартатын іс-шаралар өткізілді: бу қыздырғышты ауыстыра отырып, №10 ст. қазандық агрегатын күрделі жөндеу; ауа жылытқышын ауыстыра отырып, №10 ст. қазандық агрегатын күрделі жөндеу; экранды қыздырғышты ауыстыру арқылы №12 ст. қазандық агрегатын күрделі жөндеу; артқы экран панельдерін, бүйірлік экрандарды, артқы радиациялық бу қыздырғышты ауыстыра отырып, №15 ст. қазандық агрегатын күрделі жөндеу; ауа жылытқыштың «суық» бөлігін ауыстыра отырып, №14 ст. қазандық агрегатын күрделі жөндеу.
2023 жылы қазандық агрегаттары шегінде ауыстырылған қыздыру беттері мен жылытылмайтын құбырлардың жалпы массасы 282,7 тоннаны құрады, бұл орындалған жөндеу жұмыстарының үлкен көлемін көрсетеді. 2023 жылы инвестициялық бағдарлама бойынша өткізілген іс-шаралардың жалпы құны 3,5 млрд теңгені құрады. Осы іс-шараларды орындау станция жұмысының сенімділігін едәуір арттыруға мүмкіндік берді.
Сондай-ақ, 2023 жылы физикалық ескірген жабдықты ауыстыру орындалған 1-кезең шеңберінде №1 ОРУ-110 кВ электр жабдықтарын жаңғырту жұмыстары жүргізілді. Май қосқыштары жаңа элегаздық қосқыштармен ауыстырылды. Электр жетегі бар жаңа ажыратқыштар орнатылды, бұл ажыратқыштарды қашықтықтан басқаруға мүмкіндік береді, релелік қорғаныстың жаңа шкафтарын орнату және баптау жүзеге асырылды.
Нақты уақыт режимінде қоршаған ортаға эмиссиялар мониторингінің ақпараттық жүйесіне нақты эмиссиялар туралы деректерді бақылауды және беруді қамтамасыз ететін «қоршаған ортаға эмиссиялар мониторингінің автоматтандырылған жүйесін» (АМЖ) орнату бойынша жұмыс орындалды. Өскемен ЖЭО өңірдің I санаттағы кәсіпорындары арасында алғашқылардың бірі болып экологиялық талаптарды орындау шеңберінде АМЖ орнатты.
Қазіргі уақытта №13 ст. турбоагрегатын және №16 ст. қазандық агрегатын салу арқылы станцияны кеңейту жөніндегі жобаны іске асыру бойынша дайындық жұмыстары жүргізілуде.
Нысандарды қысқы кезеңге дайындау барысында станцияда резервтік отын қоры құрылып, тұрақты түрде сақталып келеді. Қазіргі уақытта станция берілген электр жүктемесін көтереді және жылу энергиясын берудің температуралық кестесін орындайды.
«Өскемен ЖЭО» ЖШС-нің барлық қызметі Өскемен қаласы тұрғындарының қажеттіліктерін қанағаттандыруға арналған жылу мен электр энергиясының үздіксіз және жоғары сапалы өндірісін қамтамасыз етуге бағытталған.
