2021 жылы 21 мамырда Өскемен ЖЭО-да COVID-19 ауыруынан вакцинациялау бойынша Өскемен қаласы әкімдігінің нұсқауларының орындалуын тексеру, талдау және бақылау бөлімінің жетекшісі Индира Қалжабаевамен және «Ана мен бала орталығы» медициналық қызметкерлерімен кездесу өтті.
Кездесуге кәсіпорын жұмысшыларының шектеулі саны қатысты. Қалған қызметкерлер ZOOM конференциясы арқылы қатысты. Эпидемиолог-иммунолог Иван Мещеряков қазіргі кезде Қазақстанда қолданылатын вакциналар туралы толық айтып берді: бұл тасымалдауға ыңғайлы Hayat-Vax вакцинасы (инактивацияланған) және Sputnik V (COVID-19 ақуызының фрагменті бар инактивацияланған аденовирусқа негізделген). Екі вакцина да коронавирустық инфекцияны жұқтырмауға 100% кепілдік бермейді, бірақ иммунитет онымен «кездескенде», «жауды» тезірек таниды және денені ауыр зардаптардан қорғайды.
Терапевт-дәрігер Қарақат Ашмұханова вакцина салдыруға болмайтын үш негізгі көрсеткішті анықтады: АҚТҚ (ВИЧ), онкология, жүктілік. Басқа созылмалы аурулар бойынша терапевттің кеңесі қажет. Вакцинацияның негізгі мүмкін белгілері: дене қызуы, жалпы әлсіздік, бас ауруы. Олар бір тәулік ішінде жоғалады. Әр организмнің реакциясы жеке болғандықтан, вакцина алған адамдардың көпшілігінде мұндай белгілер болмайды.
Сонымен қатар дәрігер вакцинация неліктен екі сатыда жүргізілетінін түсіндірді - бір сатылы вакцинация ағзаға ауыр тиеді. Екінші вакцинациялау кезінде вакцинаның дозаларын қабылдау аралығы 21-ден 45 күнге дейін өзгеретіні туралы хабарланды. Вакцинаның әсері 2 жылды құрайды.Көбісі вакцинаның өте тез пайда болуына байланысты оның сапасына күмәндануда. Медицина қызметкерінің түсіндіруінше, мысалы, Sputnik V вакцинасы Эбола вакцинасын жасау технологиясына негізделген.
Кәсіпорын қызметкерлері қосымша сұрақтар қойып, жан-жақты жауаптар алды. Медицина мамандарымен кездесу вакцинациядан кейін қалыптасқан ұжымдық иммунитет барлығына толыққанды өмірге қайта оралуға мүмкіндік беретініне сенім тудырды: оқуға, жұмысқа, қоғамдық орындарға баруға, туыстарымен және достарымен байланысуға. Біз тек таңдау жасауымыз керек.
