+7 (7232) 29-03-59
uktets@uktets.kz

Жаңалықтар мен оқиғалар


images/news/2021/23.11.21/23.11.21.jpg

Өскемен ЖЭО: білікті энергетик-мамандарды даярлау-басым міндеттердің бірі

2021 жылғы 19 қарашада Өскемен ЖЭО персоналмен жұмыс және әкімшілік мәселелер жөніндегі бөлімінің жетекшісі Әсем Мырзаханова мен Корпоративтік оқыту орталығының менеджері Наталья Слабодчикова "Электротехника және энергетика" бейіні бойынша "Кәсіптік стандарттар негізінде ТжКБ мамандықтары бойынша білім беру бағдарламаларын әзірлеу" онлайн-семинарына қатысты.

Семинарды Қазақстан Республикасы Білім және ғылым министрлігі Техникалық және кәсіптік білім департаментінің өкілдері өткізді. Сондай-ақ Өскемен жоғары политехникалық колледжінің, ТжКБ оқу-әдістемелік бірлестіктерінің, жұмыс берушілер мен кәсіпорындар қауымдастығының оқытушылары қатысты.

Семинарға қатысушыларды ТжКБ жүйесіндегі жаңа стандарттармен таныстырды. Мысалы, студенттің оқу жетістіктерінің құжаты – транскрипт енгізіледі. Онлайн-семинардың негізгі мәселесі оқытудың сызықтық формасынан модульдік формаға көшу болды. Бұл жүйе оқыту процесінде жұмыс берушілердің қажеттіліктері шеңберінде ұқсас мамандық бойынша бір емес, бірнеше біліктілікті игеруге мүмкіндік береді. Өскемен ЖЭО көп жылдан бері колледждің болашақ мамандарын дайындауға белсенді қатысып келеді, практикадан өту үшін жағдай жасайды. Станцияның инженерлік-техникалық қызметкерлері емтихан қабылдау жөніндегі мемлекеттік қорытынды комиссияларға қатысады.

Мәселен, 2021 жылғы 16 қарашада станцияға Өскемен жоғары политехникалық колледжінің кезекті бір топ студенттері "Технологиялық процестерді автоматтандыру" мамандығының күндізгі оқу бөлімінің үшінші курс студенттері келді.

Өскемен ЖЭО электр жабдықтарын, жылу автоматикасын және өлшемдерді жөндеу цехының инженері Станислав Дябденко цех қызметкерлері жұмыс істейтін жабдықтармен таныстырды. Электр жабдықтарын, жылу автоматикасын және өлшемдерді жөндеу цехының автоматика шебері Андрей Ефимов автоматика және БӨП тобының зертханасының жұмысы туралы егжей-тегжейлі айтып берді.

Басқарманың бас қалқанында студенттерге станцияның автоматтандырылған жұмысын көрсетті, бұл болашақ мамандардың ерекше қызығушылығын тудырды. Әрбір оқушы кәсіпорын жұмысының ауқымына еніп, тәжірибелі энергетиктермен өздерінің болашақ жұмыстары туралы сұрады және талқылады. Өскемен ЖЭО мамандары экскурсия барысында оқушылар таңдаған мамандыққа деген сенімділік пен мақтаныш сезімін ұялатты.



Мекенжайы: ҚР, Өскемен қ. Промышленная к-сі, 2 (карта)
Қабылдау бөлмесі: +7 (7232) 290-359, вн. 7359 / Кеңсе: +7 (7232) 290-389, вн.7389
Email: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

© 1947-2021 «Өскемен» ЖЭО Барлық құқықтары қорғалған. | Сайтты техникалық қолдау arctika.kz