2023 жылғы 20 желтоқсанда «Өскемен ЖЭО» ЖШС-де «Жылу энергетикасы» және «Электр энергетикасы» білім беру бағдарламалары бойынша Өскемен ЖЭО корпоративтік оқыту орталығы жанындағы Д.Серікбаев атындағы Шығыс Қазақстан техникалық университеті кафедрасының филиалы ашылды. Ашылу салтанатында қызыл лентаны Д. Серікбаев атындағы ШҚМТУ ректоры Сәуле Рахметуллина мен Өскемен ЖЭО Бас директоры Данияр Нұғыманов қиды.
Іс-шараға ШҚТУ университетінің басшылығы мен профессорлық-оқытушылық құрамы, Өскемен жоғары политехникалық колледжінің басшылығы, «АЭС Өскемен ГЭС» АҚ өкілдері, «Атамекен» кәсіпкерлер палатасының қызметкерлері, Өскемен ЖЭО цехтары мен бөлімшелерінің басшылары және студенттер қатысты.
Дуальды оқыту өндірістік функциялар мен міндеттерді білікті орындауға мүмкіндік беретін негізгі және кәсіби құзыреттерді меңгеру мақсатында білім беру бағдарламасын игеруге, сондай-ақ өндірістегі қауіпсіздік талаптарын сақтау шарттарына сәйкес студенттерді өндіріспен және технологиялық процестермен толық таныстыруға мүмкіндік береді. Тәжірибелі жұмысшылар, цех бастықтары тәлімгерлікті белсенді түрде көрсетеді, өз үлгісімен ынталандырып, таңдалған мамандыққа және өз ісіне деген сүйіспеншілікті қалыптастырады.
Д. Серікбаев атындағы ШҚТУ» КЕАҚ көптеген жылдар бойы өз жемісін беретін дуальды оқыту бағдарламасын енгізіп келеді. «Жылу энергетикасы» және «Электр энергетикасы» білім беру бағдарламалары бойынша «Өскемен ЖЭО» ЖШС жанындағы «Д. Серікбаев атындағы ШҚТУ» КЕАҚ филиалының ашылуы өндірістен қол үзбей дуальды оқытудың негізгі элементі болады және болашақта өңірдің ғана емес,жалпы республиканың энергетика саласының игілігі үшін жұмыс істейтін жас Энергетик мамандарды даярлауда маңызды рөл атқарады.
2013 жылы дуальды білім беру жүйесін енгізу шеңберінде пилоттық режимде өңірдің жетекші кәсіпорындарымен 8 мамандық бойынша біліктілікті тәуелсіз бағалау рәсімі іске қосылды, онда Өскемен ЖЭО студенттердің кәсіби дағдыларын табысты меңгеруі үшін дуальды оқытудың өндірістік алаңына айналды.
Оқу барысында студент өндіріс процесіне терең бойлап, университетте тек теория ретінде өтетін нәрсені үйренеді. Нәтижесінде, оқуды бітіргеннен кейін студенттің жұмыс табуды жеңілдету және жоғары бәсекелестік артықшылықтарға ие болу үшін жақсы тәжірибесі мен білімі болады.
«Өскемен ЖЭО» ЖШС кәсіпті табысты игеру үшін қажетті оқу полигонын, кабинеттерді, кітапхананы, сызбаларды, көрнекі құралдарды, техникалық және басқа да әдебиеттерді пайдалануға мүмкіндік бере отырып, дуальды оқыту үшін қажетті жағдайлар жасайды.
