2023 жылғы 31 тамызда Өскемен ЖЭО-да Еңбекті және қоршаған ортаны қорғау күні өтті.
Аталған іс-шара кәсіпорында ай сайын, әр айдың соңғы бейсенбісінде өткізіледі. Өндірістік қауіпсіздік және еңбекті қорғау қызметі ұйымдастырған Еңбекті қорғау және қоршаған ортаны қорғау күніне кәсіпорынның барлық құрылымдық бөлімшелері қатысады. Презентация үшін еңбекті қорғау мен экологияның ең өзекті мәселелері таңдалады.
Техникалық диагностика зертханасының ультрадыбыстық бақылау жөніндегі дефектоскописті Алексей Чесноков «Техникалық диагностика зертханасының негізгі әдістері мен қауіпсіздік шаралары» баяндамасымен сөз сөйледі. Ол техникалық диагностика зертханасының негізгі бағыттары туралы айтты. Қатысушылар магнитті-ұнтақты дефектоскопия жүргізу кезіндегі қауіпсіздік шаралары және магнитті-ұнтақты бақылау әдістері туралы білді.
- Магнитті-ұнтақты бақылау бұзбайтын әсер ету әдісі болып табылады және олардың мөлшеріне, пішіндеріне және жасалу тәсіліне қарамастан материалдардағы ақауларды анықтау мақсатында қолданылады. Осы әдістің көмегімен дәнекерлеуден кейінгі тігістер мен қосылыстардағы әртүрлі жарықтар, бұзушылықтар, ақаулар анықталады, - деп түйіндеді сөзін Алексей Чесноков.
Жыл сайын бүкіл әлем бойынша адамзат 2 миллиард тонна қатты қалдықтарды шығарады. 2050 жылға қарай бұл көрсеткіш 3,4 миллиард тоннаға дейін өсуі мүмкін. Қоршаған ортаны қорғау бөлімінің жетекші инженері Досым Мұхамедкаримов алдыңғы қатарлы Жапония мысалында Қоқысты сұрыптау және жинау тақырыбын қозғады.
Денсаулық сақтау пунктінің фельдшері Елена Шиляеваның «Термиялық күйік» презентациясында термиялық күйік алу кезіндегі клиникалық көрініс туралы баяндалды. Елена Шиляева қатысушыларға термиялық күйік кезінде алғашқы медициналық көмек көрсету әдістері туралы айтып берді.
Еңбек және қоршаған ортаны қорғау күнінің қорытынды баяндамасымен ПАСЧ-106 бастығы Руслан Қасенов сөз сөйлеп, іс-шараға қатысушыларды тұрғын үйдегі ықтимал өрт кезінде қалай әрекет ету керектігі туралы хабардар етті.
Іс-шараға Қазақстан Республикасы Мемлекеттік қызмет істері агенттігінің Шығыс Қазақстан облысы бойынша департаментінің өкілдері қатысты. Олар Мемлекеттік қызметке кіру ережелері, Президенттік жастар кадр резерві және Департаменттің қызметі туралы айтып берді.
