«Өскемен ЖЭО» ЖШС-де 2021-2022 жылдардағы маусымына жабдықтарды дайындау бойынша жөндеу науқаны белсенді жүргізілуде.
2021 жылы жалпы сомасы 2,9 млрд.теңгеге негізгі және қосалқы жабдықтарды, күрделі құрылыс, қайта құру, жаңалау жобаларын, соның ішінде келесі ірі жобаларды іске асыру жоспарлануда:
- №№ 4,11 турбиналық агрегаттарды күрделі жөндеуден өткізу.
- Шарбарабанды үш диірменді жөндеу.
- Трансформаторды күрделі жөндеуден өткізу.
- 5–7 кезектегі жоғары қысымды қоректендіргіш құбырларын ауыстыру құбырлардың сенімді жұмысын қамтамасыз етеді.
- Мақсаты қолданыстағы жүйені неғұрлым заманауи және сенімді діріл бақылау жүйесімен ауыстыру болып табылатын №11 турбинаның діріл өлшеу кешенін қайта құру. Дірілді бақылаудың автоматтандырылған жүйесі мен диагностика жүйесі - бұл турбиналық агрегаттың діріл күйін бақылауға, талдауға және диагностикалауға арналған таратылған есептеу және ақпараттық ресурстармен жабдықталған бағдарламалық жасақтама кешені.
- №14 қазандық агрегатын су төмендететін құбырлар мен құбыр экрандарының бу шығару құбырларын ауыстырумен және №12 және №14 қазандық агрегаттарының бу-айналма құбырларын ауыстырумен күрделі жөндеуден өткізу қазандық агрегаттарының жылу беру кезіндегі сенімділігін арттырады және пайдалану шығындарын азайтады. №14 қазандық агрегатын жөндеудің нәтижесінде қазандықтың есептік жүктемесінің бу/сағаты 20 тоннаға ұлғаяды.
- 140 ата бас бу құбырын ауыстыру (1-ші кезең) оның жұмысының қауіпсіздігі мен сенімділігін арттырады. 140 ата бу құбыры жоғары қыздырылған буды жоғары қысымды қазандықтардан турбиналарға, РОУ, БРОУ, желілік су жылытқыштарына тасымалдау үшін қолданылады, бұл жылу мен электр энергиясын өндірудің маңызды циклдарының бірі болып табылады.
- № 11 қазандық агрегаты эмульгаторларының айналдырғыштарын ауыстыру күл жинайтын қондырғылардың тиімділігін жоғарылатады, күлдің шығарындыларын азайтады және қазандықтың тиімділігін арттырады.
- Күл құбырларын күрделі жөндеуден өткізу күл мен қож қалдықтарын № 3 күл үйіндісіне сенімді және үздіксіз шығаруды қамтамасыз етеді.
- Станцияның үзіліссіз және ақаусыз жұмыс істеуі үшін қажетті жаңа күл үйіндісін салу, қолданыстағы №3 күл үйіндісін толтырғаннан кейін күл мен қож қалдықтарының қауіпсіз сақталуын қамтамасыз етеді.
Өскемен ЖЭО жөндеу бағдарламасының жүзеге асырылуы экологиялық қауіпсіздік шараларын сақтай отырып тұтынушылар үшін электр және жылу энергиясын үздіксіз өндіруге мүмкіндік береді.
