Ата-аналар мен балалартамыз айында дәстүрлі түрде мектепке дайындалады. Бұл бірінші сыныпқа бірінші рет баратындар үшін әсіресе қызықты болады.
Осы жылдың 17 тамызынан бастап «Өскемен ЖЭО» ЖШС 2023 жылдың қыркүйегінде бірінші сыныпқа баратын кәсіпорын қызметкерлерінің балаларына арналған мектеп керек-жарақтары бар жиынтықтарды бере бастады. Кәсіпорыннан 30-дан астам бала сыйлық алды.
Жақсы дәстүр бойынша барлық бірінші сынып оқушылары құттықтау мен мектепке арналған сыйлықтарды табыстау үшін Өскемен ЖЭО-ға шақырылды, өйткені мектеп – бұл дербес өмірге қадам. Іс-шара барлық балалардың қауіпсіздік техникасы бойынша нұсқаулықтан өтуінен басталды, оны балалар үшін арнайы Корпоративтік оқыту орталығының басшысы Наталья Слабодчикова дайындады.
Балалар үшін кәсіпорын бойынша қызықты экскурсия өткізілді. Бірінші сынып оқушылары басқарудың бас қалқаншасына, көмір штабеліне, Корпоративтік оқыту орталығына, мұражайға барды. Балаларды Директорлар Нұрлан Ахметжанов пен Игорь Суханов қарсы алды, олар ата-аналарының қайда жұмыс істейтінін көрсетті. Еңбекті және қоршаған ортаны қорғау жөніндегі директор Игорь Суханов балаларды станция бойынша жеке ертіп жүрді, ал техникалық директор Нұрлан Ахметжанов мұражай бойынша экскурсия жүргізіп, жылу электр орталығының немен айналысатынын айтты. Балаларға арнайы «ғылыми» шоу бағдарламасы мен «тәтті үстел» дайындалып, көңілді аниматорлар күтті.
Өте ұнады, іс-шара жоғары деңгейде ұйымдастырылған, мереке мен сыйлықтар үшін кәсіпорын мен кәсіподаққа үлкен рахмет. Менің балам әрдайым ЖЭО-ға барғысы келетін, енді ол әкесінің қай жерде жұмыс істейтінін өз көзімен көрді, - деп өз әсерімен бөлісті ЕҚ және ҚТ инженері Айдар Заманбеков, бірінші сынып оқушысының әкесі. Болашақ бірінші сынып оқушылары үшін мектеп керек-жарақтарын сатып алу Өскемен ЖЭО қызметкерлерін әлеуметтік қолдау шараларының тұтас кешенінің құрамдас бөлігі болып табылады. Кеңсе керек-жарақтары бар жиынтықтарды табыстау қазіргі кезде жақсы дәстүрге айналды, оны Өскемен ЖЭО энергетиктері жоғары бағалайды.
Кәсіпорында сыйлықтарды таңдағанда, балалардың қажеттіліктеріне назар аударылады, содан кейін бірінші сынып оқушылары оларды бүкіл оқу жылында қуана қолдана алады. Кәсіпорында балалар шығармашылығы конкурстары, спорттық іс-шаралар үнемі өткізіліп тұрады. «Өскемен ЖЭО» ЖШС әлеуметтік саясаты бірінші кезекте өз қызметкерлерін кешенді қолдауға бағытталған.
