«Өскемен ЖЭО» ЖШС қызметкерлері Шығыс Қазақстан облыстық қан орталығының медициналық персоналына жәрдемдесу шеңберінде өткізілетін «Донор күні» акциясына қатыса отырып, жасампаз қоғамдық белсенділіктің үлгісін көрсетуді жалғастыруда. Бұл кәсіпорын қызметкерлері үшін дәстүрге айналды және олар жыл сайын мұқтаж жандарға қан тапсыруға дайын.
2024 жылғы 24 қаңтарда акцияға 37-ден астам жылу энергетиктері қатысты. Олар қан компоненттерін 17 литрге толтыра алды. Бұл Облыстық қан орталығы үшін өте маңызды, өйткені ол көптеген адамдардың өмірін сақтап қалуға мүмкіндік береді.
Энергетиктер өндірістен қол үзбеу үшін қан тапсыру станцияда ұйымдастырылды. Өскемен ЖЭО-да жиналған барлық биоматериалдар кейіннен өңірдің медициналық мекемелерінің мұқтаж пациенттеріне көмек көрсету кезінде пайдаланылатын болады.
- Бүгін кәсіпорын аумағында «Донор күні» акциясы өтуде. Мақсаты – қан компоненттерін құюды қажет ететін науқастарға көмектесу. Айта кету керек, Өскемен ЖЭО қызметкерлері арасында мұндай қайырымдылық донорлық акциялар дәстүр бойынша жылына 2-3 рет өткізіледі. Барлық қызметкерлерге мейірімді жүректері мен жауаптылығы үшін зор алғысымызды білдіреміз. Сіздерге үлкен рахмет, - деді Шығыс Қазақстан облыстық Қан орталығының ресми өкілі Ақылбекова.
«Донор күні» акциясы — бұл қан тапсыру ғана емес, сонымен қатар ынтымақтастық пен өзара көмектің символы. «Өскемен ЖЭО» ЖШС қызметкерлері корпоративтік-азаматтық белсенділіктің жарқын үлгісі болып табылады.
Станция қызметкерлері «Донор күні» акциясы «Өскемен ЖЭО» ЖШС үшін дәстүрге айналып қана қоймай, басқа ұйымдарды осындай қайырымдылық және гуманитарлық бастамаларға шабыттандырады деп үміттенеді.
