Өскемен ЖЭО «World Cleanup Day» экологиялық акциясына қатысты

2020 жылдың 19 қыркүйегінде Өскемен ЖЭО бүкіл әлемдегі еріктілерді біріктірген «World cleanup day» экологиялық акциясын қолдады.

Станция қызметкерлерінің апта бойындағы еңбектерінің нәтижесінде кәсіпорын аумағы мен оған жақын орналасқан қала аумағы қоқыс пен өскіннен тазартылды. Өскен шөптерді шауып, жинау, Абай даңғылы бойындағы жағалаулық сорғы станциясының аумағын тазарту, Өскемен ЖЭО аумағын тазарту жұмыстары жүргізілді.

Біз республикамыздың және туған қаламыздың барлық тұрғындарын экологиялық проблемаларға бей-жай қарамауға, кішігірім әрекеттен бастап - өздерінен кейін қоқысты жинап жүруге, стихиялық қоқыстардың жанынан өтпеуге - тиісті органдарға жүгінуге шақырамыз.