Өскемен ЖЭО жоғары қысымды бу құбырын қайта жаңарту жобасын аяқтады

Өскемен ЖЭО станция тарихындағы ең ірі 140 ата бу құбырын қайта құру бойынша бес жылдық жобаны сәтті аяқтады. Инвестициялардың жалпы көлемі 6 млрд теңгеден асты.

Жұмыс барысында:

• бу құбырының көлемі 325×40 мм-ден 377×50 мм-ге дейін ұлғайтылды, бұл өткізу қабілетін арттыруға және пайдалану ресурсын 100 мыңнан 200 мың сағатқа дейін ұзартуға мүмкіндік берді;
• тірек-аспалы жүйе толығымен жаңартылды және Blanket маркалы заманауи жылу оқшаулағышы орнатылды;
• жаңа бу құбыры қауіпсіз пайдалану үшін отын беру учаскесін айналып өтіп салынған.

Жобаны «REVAL-M» ЖШС әзірледі, ал оны іске асыруға «Арыстан Building Company» ЖШС мамандары, станцияның инженерлік-жобалау қызметінің және турбиналық цехының қызметкерлері, сондай-ақ авторлық және техникалық қадағалау өкілдері қатысты. Жаңа магистральдық бу құбырларының ұзындығы - 1 162 метр, олардан басты құбырды турбиналармен және қазандықтармен жалғайтын жаңа бу құбырлары орнатылған.

Қайта құру жабдықтардың сенімділігін арттырды, апат қаупін төмендетті және өңірдің энергетикалық қауіпсіздігін күшейте отырып, № 16 жаңа қазандық агрегатын қосуға әзірлікті қамтамасыз етті.