2024 жылдың 22 шілдесінде Өскемен ЖЭО ұжымы санитарлық-өнеркәсіптік зертханасы инженері Андрейчук Ирина Валерьевнаны еңбек сіңірген демалысына шығарып салды.
Ирина Валерьевна Андрейчук еңбек жолын 2004 жылдың 4 мамырында санитарлық-өнеркәсіптік зертханада бастады. Жиырма жылдық үздіксіз жұмыс өтілі ішінде ол өзін сенімді, жауапты әрі еңбекқор қызметкер ретінде көрсетті.
Ирина Валерьевна экологиялық бақылау саласында терең білім мен практикалық дағдыларды жетік игерген. Экологиялық мониторинг объектілерін сынау әдістерін жетілдіре отырып, ол табиғи және ағынды суларды, топырақты, сондай-ақ атмосфералық ауаны зерттеумен айналысты. Оның кәсібилігі кәсіпорында санитарлық-гигиеналық бақылаудың жоғары сапасын қамтамасыз етуге мүмкіндік берді.
Ирина Валерьевнаның міндеттерінің ішінде жұмыс аймағының ауа мониторингі, сондай-ақ микроклимат, шу, діріл және жарықтандыруды қоса алғанда, өндірістік ортаның физикалық параметрлері ерекше орын алды. Оның аса маңызды жұмыстарының бірі бригадаларды жоғары жауапкершілік пен дәлдікті талап ететін жабық кеңістіктегі жұмыстар мен оттық жұмыстарға кірісуге рұқсат беру болатын.
Ирина Валерьевна Андрейчуктың еңбек жолы көптеген адамдар үшін үлгі болып табылады. Әріптестері оны ерекше еңбекқорлығы мен адалдығы үшін сыйлайды. Оның жұмысқа деген жауапкершілігі және әрқашан қол ұшын созуға дайын болуы оны таптырмас қызметкер етеді. «Өскемен ЖЭО» ЖШС санитарлық-өнеркәсіптік зертханасында жұмыс істеген жылдары Ирина Валерьевна кәсіпорынның дамуына да елеулі үлесін қосты.
«Өскемен ЖЭО» ЖШС Бас директоры Данияр Нугуманов Ирина Валерьевнаға өңірдің энергетикасын дамытуға қосқан үлесі үшін шын жүректен алғысын білдірді. Ондаған жылдар бойғы адал еңбек жолының лайықты демалысы Ирина Валерьевнаға қуаныш мен жақсылық әкеледі деп үміттенеміз!
