2020 жылдың 9 қыркүйегінде Өскемен ЖЭО энергия өндіруші, энергия беруші ұйымдардың 2020-2021 жылдардағы күзгі-қысқы кезеңде жұмыс істеуге дайындық Паспортын алды.
Бұл Паспорт алдағы жылу беру маусымына тиімді дайындықтың нәтижесі болды. Кәсіпорын бірқатар ірі жобаларды жүзеге асырды: жылу алмасу дәрежесін арттыру үшін бірінші сатыдағы тегіс құбырлы су экономайзерін мембраналыққа ауыстырумен №13 қазандық агрегатын күрделі жөндеуден өткізу; №12 қазандық агрегаты эмульгаторларының құйындағыштарын ауыстыру.
2016 жылы пайдалануға берілгеннен кейін бірінші рет №12 турбиналық агрегатта күрделі жөндеу жұмыстары жүргізілді. Сондай-ақ №15 қазандық агрегаты мен №8 турбиналық агрегатында кеңейтілген ағымдағы жөндеулер, № 9 қазандық агрегатында Т-1-40MVa трансформаторында, №№16,17,18 бәсеңдету-салқындату қондырғысының (БСҚ) бу құбырларында күрделі жөндеулер, қосалқы жабдықтағы жөндеулер өткізілді, Komatsu бульдозері сатып алынды.
№14 қазандық агрегатында оның сенімділігі мен тиімділігін арттыру үшін оттықтары ауыстырылды, сондай-ақ 140 ата бу құбырын ауыстыру бойынша жоба әзірленді. Станцияның қоймаларында жинақталған отын көлемі нормативті қорларға сәйкес.
Өскемен ЖЭО-ның дайындық Паспортын алуы станцияның 2020-2021 жылдардағы жылу беру маусымына уақтылы және сапалы дайындығын дәлелдейді.
